Monday, 18 February 2013
မြန်မာ တပ်မတော်နှင့် ကေအိုင်အေ တို့ တိုက်ပွဲ များကြောင့် သွားလာမှု ခက်ခဲသော ဒုက္ခသည် စခန်း များတွင် ခိုလှုံ နေရသည့် ဒုက္ခသည် များ အတွက် ဂီတ ပဒေသာ ကပွဲ ပြုလုပ်ပြီး ရရှိ လာသော ရန်ပုံငွေ များကို သွားရောက် ကူညီမည် ဖြစ်ကြောင်း ကချင် ငြိမ်းချမ်းရေး ကွန်ရက် အဖွဲ့၏ ဒေါ်ခွန်ဂျာက ပြောကြား သည်။
ကချင်ပြည်နယ် မြောက်ပိုင်းရှိ ကေအိုင်အေ ထိန်းချုပ် နယ်မြေ ဖြစ်သော ပန်ဝါ ဒေသ အနီး နယ်ခြား မှတ်တိုင် ၆၊ နယ်ခြား မှတ်တိုင် ၈၊ နယ်ခြား မှတ်တိုင် ၁၀၊ နယ်ခြား မှတ်တိုင် ၁၃ စသည့် နေရာများရှိ ဒုက္ခသည် စခန်း များသို့ သွားရောက် လှူဒါန်းရန် စီစဉ် ထားကြောင်း ၄င်းက ရှင်းပြသည်။
“လှူဒါန်းမယ့် သူတွေ မရောက်နိုင်တဲ့ ဒုက္ခသည် စခန်းတွေပါ။ အစား အသောက်နဲ့ ဆေးဝါးတွေ သွားရောက် လှူဒါန်းမှာ ဖြစ်ပါတယ်" ဟု ၄င်းက ဆိုသည်။
ယင်းဒုက္ခသည် စခန်းသည် တပ်မတော်နှင့် ကေအိုင်တို့ တိုက်ပွဲ ဖြစ်ပွားသည့် ဧရိယာ အတွင်း ရှိနေ သောကြောင့် ဒုက္ခသည် စခန်းတွင် ခိုလှုံ နေသူ တို့၏ နေအိမ် အများစု မှာ ပျက်စီး သွားပြီ ဖြစ်ကြောင်း ယင်းဒုက္ခသည် စခန်းများ ထံမှ သိရသည်။
မြစ်ကြီးနားမြို့ ဆွတ်ငိုင် ဒုက္ခသည် စခန်းတွင် တာလောကြီး ကျေးရွာမှ လာရောက် ခိုလှုံနေသူ အသက် ၃၅ နှစ် အရွယ် အမျိုးသမီး တစ်ဦးကမူ “ကျွန်တော်တို့ အိမ်တွေ မရှိတော့ဘူး။ မီးလောင် သွားပြီ။ လောလောဆယ် မပြန် နိုင် သေးဘူး" ဟု ဖေဖော်ဝါရီ လဆန်းပိုင်း တွင် The Voice Weekly သို့ ပြောကြားသည်။
အဆိုပါ ဒေသ များသို့ လှူဒါန်း မည့် ရံပုံငွေ ဂီတ ပဒေသာ ကပွဲကို အလုံမြို့နယ် မင်းရဲကျော်စွာ လမ်းရှိ မြန်မာ နိုင်ငံ နှစ်ခြင်း ခရစ်ယာန် အသင်းချုပ်၊ အောက်မေ့ ဖွယ်ရာ ခန်းမ (MBC Hall) တွင် ဖေဖော်ဝါရီလ ၂၃ ရက်နေ့ ည ၇ နာရီမှ ၁၀နာရီ အထိ ကျင်းပ သွားမည် ဖြစ်သည်။
တပ်မတော်နှင့် ကေအိုင်အေ တို့၏ တိုက်ပွဲ များကြောင့် ဒုက္ခသည် စခန်းပေါင်း တစ်ရာကျော် ဖွင့်လှစ် ထားရပြီး ဒုက္ခသည် ပေါင်း တစ်သိန်း နီးပါး ရှိနေသည်။
The Voice Weekly
No comments:
Post a Comment