ယနေ့ နံနက် ၉ နာရီတွင် ဆောက်လုပ်ရေး ဝန်ကြီးဌာနမှ ကျွမ်းကျင်သူ များနှင့်
တရုတ်ပြည်သူ့ သမ္မတ နိုင်ငံ ယူနန် ပြည်နယ် ပို့ဆောင်ရေး ဝန်ကြီးဌာနမှ
ကျွမ်းကျင်သူ အဖွဲ့တို့၏ ရွှေလီ -ကျော က်ဖြူ စင်္ကြံလမ်း ပူးပေါင်း
ဆောင်ရွက်မှု ဖွံ့ဖြိုး တိုးတက်ရေး စီမံကိန်း အတွက်
ဒုတိယ အကြိမ် ညှိနှိုင်း ဆွေးနွေးပွဲကို အဆိုပါ ဝန်ကြီးဌာန အစည်းအဝေး ခန်းမဆောင်၌ ကျင်းပရာ ဆောက်လုပ်ရေး ဝန်ကြီးဌာန ပြည်ထောင်စု ဝန်ကြီး ဦးကျော်လွင် တက်ရောက်၍ အမှာစ ကား ပြောကြားသည်။
ဆက်လက်၍ တရုတ် ပြည်သူ့ သမ္မတနိုင်ငံ ပို့ဆောင်ရေး ဝန်ကြီးဌာန နိုင်ငံတကာ ဆက်ဆံရေး ဦးစီးဌာနမှ ဒုတိယ ညွှန်ကြားရေးမှူးချုပ် Mr. Rei Weimin က ကျေးဇူးတင် စကား ပြောကြား သည်။
ထို့နောက် တရုတ်ပြည်သူ့ သမ္မတနိုင်ငံ ပို့ဆောင်ရေး ဝန်ကြီးဌာန အောက်ရှိ ပို့ဆောင်ရေး စီမံကိန်းနှင့် သုတေသန တက္ကသိုလ်မှ ဒုတိယ ညွှန်ကြားရေးမှူးချုပ် Mr. Guan Changyu အဖွဲ့ နှင့် ဆောက် လုပ်ရေး ဝန်ကြီးဌာန ပြည်သူ့ ဆောက်လုပ်ရေး လုပ်ငန်း ဦးဆောင် ညွှန်ကြားရေးမှူး ဦးကျော်လင်းနှင့် တာဝန်ရှိသူ တို့က ရွှေလီ-ကျောက်ဖြူ စင်္ကြံလမ်း ပူးပေါင်း ဆောင်ရွက်မှု ဖွံ့ဖြိုး တိုးတက်ရေး စီမံ ကိန်း လုပ်ငန်းများနှင့် ပတ်သက်၍ အပြန်အလှန် ညှိနှိုင်းဆွေး နွေးခဲ့ကြကြောင်း သိရသည်။
မြ၀တီ
No comments:
Post a Comment